Aganefnd KKÍ hefur úrskurðað Melvin Scott leikmann KR í Iceland Express-deildinni í eins leiks bann vegna bóttvísunar sem hann fékk í leik í leik KR og Hamars/Selfoss sl. fimmtudag.

Á fundinum var einnig tekin fyrir kæra á hendur ÍR vegna skrílsláta áhorfenda, en flösku var kastað inná völlinn í leik ÍR og Skallagríms í Iceland Express-deildinni í Seljaskóla þann 23. febrúar sl. Kærunni var vísað frá þar sem hún barst nefndinni eftir að kærufrestur var runninn út.

Í síðustu viku voru þau Örvar Kristjánsson þjálfari 10. fl. kv. hjá UMFN og Dagmar Traustadóttir leikmaður sama liðs dæmd í eins leiks bann hvort. Þá var Arnar S. Ólafsson leikmaður ul.fl. KR einnig dæmdur í eins leiks bann. Bönn þessi taka öll gildi á hádegi nk. föstudag 3. mars.

Sjá nánar úrskurði aganefndar.