Dómstóll KKÍ dæmdi í dag í máli því sem Hamar/Selfoss höfðaði gegn Keflavík eftir leik félaganna í Iceland Express-deild karla þann 12. janúar sl. Dómstóllinn dæmdi Hamri/Selfossi í vil og úrslit leilks félaganna verða því skráð 0-20 fyrir HS.

Forsendur kærunnar voru þær að Guðjón Skúlason leikmaður Keflavíkur hafi ekki verið ólöglegur, en hann var á leikskýrslu í leiknum. Dómstóllinn komst að þeirri niðurstöðu að Guðjón hefði verið þátttakandi í leiknum án þess að hafa til þess heimild, þar sem um frestaðan leik var að ræða.

Í dómnum segir meðal annars: Að framan er rakið að Guðjóni Skúlasyni var óheimilt að taka þátt í framangreindum leik og mætti liðið því ólöglega skipað til leiksins. Samkvæmt 2. mgr. 11. gr. reglugerðar um körfuknattleiksmót telst lið sem ólöglega er skipað hafa tapað leik í samræmi við reglur FIBA hverju sinni. Áralöng venja er fyrir því að beita reglum FIBA um “game lost by forfeit”. Reglur FIBA sem hér er vísað til eru “Official Basketball Rules” sem tóku gildi þann 1. september 2004, grein 20 liður 2.1 er kveða á um að lið sem tapar leik af einhverjum ástæðum tapi honum með stigatölunni 20-0. Telst Keflavík því hafa tapað nefndum leik með stigatölunni 20-0.

Lesa allan dóminn.