Í gær, fimmtudag, var síðasti dagur félagaskipta í meistararflokki karla og kvenna. Samþykkt félagaskipti frá 1. maí sl. eru 365 talsins, en það er nánast sama tala og á sama tíma í fyrra.

Leikmenn yngri flokka geta skipt um félag þangað til í lok febrúar. Þá verður áfram hægt að sækja um leikheimild fyrir meistaraflokksleikmenn sem hafa ríkisfang utan Evrópu.

Enn eru um 30 umsóknir um félagaskipti ófrágengnar. Ástæðan er sú að gögn vantar, en einnig eru félagaskipti ófrágengin vegna þess að greiðslu fyrir þau hefur ekki borist eða félagið sem skipt er í er í skuld við KKÍ.