Brynjar Karl Sigurðsson forstöðumaður körfuboltaakademíunnar hjá FSu og aðalþjálfari þess liðs hefur sett æfingasafn fyrir körfuboltaþjálfara á netið á slóðina basket.is. Um er að ræða persónulegt æfingasafn Brynjars Karls sem samanstendur af körfuboltaæfingum, leikfræði og almennum styrktaræfingum.

Sem kunnugt er hefur fyrirtæki Brynjars Karls, Sideline Sports, búið til hugbúnað fyrir körfuboltaþjálfara sem tekur öðrum slíkum í heiminum fram um möguleika og gæði, og er notaður af fjölda þjálfara í hinum ýmsu greinum víða um heim.

Um er að ræða fyrsta skrefið í að koma æfingum á netið, en Brynjar Karl stefnir að því að koma öllu sínu efni á netið á næstu árum.