Haukar og Keflavík mætast í úrslitaleik Powerade-bikars kvenna á morgun laugardag. Leikið verður í íþróttahúsinu Digranesi í Kópavogi og hefst leikurinn kl. 14:00 og verður hann sýndur beint í Sjónvarpinu.

Í undanúrslitum keppninnar unnu Haukar nauman sigur á Grindavík og Keflavík hafði betur gegn ÍS. Þessi félög mættust einnig í Iceland Express-deildinni nú í vikunni og þá höfðu Haukar betur, 60-75, í Keflavík.