Lið UMFN varð rétt í þessu meistari í Powerade-bikarkeppni karla er liðið vann sigur á liði KR 90-78. KR byrjaði leikinn mun betur og náði fljótlega góðu forskoti og leiddu í hálfleik. Leikmenn UMFN sýndu svo stórleik í síðari hálfleik og lokuðu vörninni í þriðja fjórðungi er þeir unnu upp forskot KR og komust yfir.

Stigahæstir í liði UMFN voru Jeb Ivey með 20 stig og Friðrik Setfánsson og Brenton Birmingham með 19 stig hvor. Omari Westley var stigahæstur KR, skoraði 28 stig.

Fyrr um daginn voru leiknir undanúrslitaleikir Powerade-bikarkeppni kvenna þar sem Keflavík vann ÍS 78-50 og Haukar lögðu Grindavík 69-63. Það verða því Keflavík og Haukar sem mætast í úrslitaleik keppninnar í Austurbergi þann 10. desember nk.