Nk. laugardag 19. nóvember gengst KKÍ fyrir málþingi um málefni yngri flokka. Málþingið verður haldið á Café Easy í íþróttamiðstöðinni í Laugardal kl. 10-12.

Á síðasta ársþingi KKÍ voru allmörgum tillögum er varða yngri flokkana vísað til milliþinganefndar sem nú er að störfum og mun leggja yfirvegaðar tillögur fyrir næsta ársþing KKÍ.

Meðal þess sem rætt verður á málþinginu er eftirfarandi:

Fjöldi leikja í yngri flokkum. Á að fjölga leikjum í Íslandsmóti?
Aldurflokkaskipting. Er hún fín eins og hún er eða viljum við breyta henni.
Leiktími, leikhlutar. Eiga þeir að vera alltaf 4x eitthvað.
Boltar og boltastærð. Á að sleppa að nota bolta númer 6 í karlaflokkum?
Framkvæmd fjölliðamóta. Hvað má fara betur?
Dómaramál. Hvernig getum við bætt dómgæslu í fjölliðamótum?
Héraðsmót. Er hægt að fjölga héraðsmótum í líkingu við HSK- og Reykjavíkurmót?
Þjálfarafundir á fjölliðamótum.
Tillögurnar fyrir ársþinginu.

Í nefndinni sitja eftirtaldir aðilar:
Bjarni Gaukur Þórmundsson, Ingi Þór Steinþórsson, Karl Jónsson,
Pétur Hrafn Sigurðsson og Snorri Örn Arnaldsson.