Aganefnd KKÍ hefur kveðið upp sína fyrstu úrskurði á yfirstandi keppnistímabili. Þrír leikmenn og einn þjálfari voru úrskurðaðir í eins leiks bann hver á fundi nefndarinnar sl. þriðjudag.

Sigurður Ingimundarson þjálfari Keflavíkur í Iceland Express-deild karla var dæmdur í eins leiks bann ásamt Sigurði F. Gunnarssyni leikmanni Reynis S. í 1. deild karla, Bjarna Einarssyni leikmanni ÍG í 2. deild karla og Karl J. Smárasyni leikmanni Brokeyjar í 2. deild karla.

Leikbönnin taka gildi frá og með hádegi nk. föstudag, 11. nóvember.

Sjá nánar úrskurði aganefndar. Þar er hægt að skoða úrskurði aganefndar frá upphafi árið 1972. Einnig er nú sagnfræðigrein eftir Rúnar Gíslason í lesningunni um tilurð aganefndar og störf hennar fyrstu árin.