Í dag kvað félagaskiptanefnd KKÍ upp úrskurð varðandi leikheimild Meagen Hoffman með Breiðabliki. Félagið kærði þá ákvörðun KKÍ að leikmaðurinn þyrfti að bíða í einn mánuð eftir leikheimild og taldi að hér væri ekki um félagaskipti að ræða, heldur nýskráningu. Félagaskiptanefnd úrskurðaði Breiðabliki í vil.

Breiðablik taldi að um nýskráningu væri að ræða þar sem leikmaðurinn hefði aldrei leikið með neinu félagi innan FIBA eða KKÍ. Meagan Hoffman er með tvöfalt ríkisfang, bandarískt og breskt og hefur aðeins leikið í skólum í Bandaríkjunum hingað til. Eftir þennan úrskurð er ljóst að KKÍ er skylt að veita leikmanninum leikheimild þegar í stað.

Lesa úrskurðinn.