Körfuknattleikssamband Íslands og Iceland Express hafa gert samstarfssamning vegna úrvalsdeildar karla og 1. deildar kvenna og munu deildirnar bera heiti félagsins: Iceland Express-deild karla og Iceland Express-deild kvenna.

Mikil uppsveifla hefur átt sér stað í körfuknattleikshreyfingunni undanfarið með góðu gengi unglingalandsliðanna sem og landsliða karla og kvenna. Sama má segja um Iceland Express sem með verulegri stækkun á leiðarkerfi hefur ákveðið að bjóða upp á 8 spennandi áfangastaði næsta sumar með beinu áætlunarflugi frá Keflavíkurflugvelli.

Rekstur félagsins hefur gengið mjög vel og koma nýjir áfangastaðir til með að mæta aukinni eftirspurn fyrir nýjum áfangastöðum í Evrópu. Iceland Express og Körfuknattleikssambandið hafa því hug á að vinna í sameiningu að því að styrkja hvort annað og líta báðir aðilar björtum augum til framtíðarinnar.

Körfuknattleikssamband Íslands og Iceland Express hafa gert samstarfssamning vegna úrvalsdeildar karla og 1. deildar kvenna og munu deildirnar bera heiti félagsins: Iceland Express-deild karla og Iceland Express-deild kvenna.

KKÍ væntir góðs af samstarfinu við Iceland Express og verða ferðir á vegum sambandsins með vélum Iceland Express, en aukning í fjölda áfangastaða hjá félaginu gerir KKÍ kleift að fljúga landsliðum með félaginu á Norðurlandamót og í Evrópukeppnir næstu árin.

Fyrsta umferð í IcelandExpress-deild kvenna hefst þriðjudaginn 11. október og fyrsta umferð í IcelandExpress-deild karla er fimmtudaginn 13. október.