Körfuknattleiksdeild ÍR og Nettó standa fyrir bekkjamóti í körfubolta í íþróttahúsi Seljaskóla laugardaginn 8. október n.k.

Rétt til þátttöku eiga allir sem eru í 5., 6., 7. og 8. bekkjum grunnskóla. Keppnisfyrirkomulagið er þannig að keppt verður með “street ball” fyrirkomulagi, spilað þrír á þrjá á eina körfu, 7 mínútna leikir.

Hver bekkur getur sent eitt lið með þremur leikmönnum (og varamönnum) eða fleiri lið ef fleiri vilja vera með en fimm úr hverjum bekk. Gefa þarf liðunum nöfn.

Fyrst verður keppt í riðlum og svo verður úrslitakeppni síðar um daginn hjá öllum bekkjum. Veitt verða verðlaun til liða (Nettómeistari 5. bekkjar, 6. bekkjar o.s.frv.) og einnig einstaklingsverðlaun fyrir besta leikmanninn í hverjum flokki.

Nánar á vef ÍR