Undanúrslitaleikur Þjóðverja og Spánverja varð ekki síður spennandi en viðureign Grikkja og Frakka fyrr í kvöld. Aftur varð það skot á síðustu sekúndu leiksins sem réð úrslitum. Að þessu sinni varð það NBA-stjarna Þjóðverja sem reyndist betri en enginn þegar skot hans frá endalínunni rataði rétta boðleið og kom Þjóðverjum yfir 74-73.

Nowitzki skoraði 27 stig í leiknum og var með 7 fráköst og bar þýska liðið á herðum sér í enn einum leiknum í mótinu. Navarro, sem komið hafði Spánverjum yfir þega 14 sekúndur voru til leiksloka, var stigahæstur í spænska liðinu með 27 stig.

Það verða því Grikkir og Þjóðverjar sem mætast í úslitaleik mótsins á morgun. Þjóðverjar hafa ekki komist í úrslit EM síðan 1993.

Nánar á vef mótsins.