Sigmundur Már Herbertsson hefur verið tilnefndur af FIBA til að dæma seinni leik Danmerkur og Írlands um að komast í A deild Evrópukeppninnar að ári.

Leikurinn fer fram í Árósum í Danmörku í dag og meðdómari Sigmundar verður Þjóðverjinn Boris Schmidt en hann hefur áður dæmt með íslensku dómurunum Kristni Albertssyni og Leifi Garðarssyni. Eftirlitsmaður á leiknum verður Hollendingurinn Alexander Faassen.

Eins og flestum ætti að vera ljóst léku Danir með Íslendingum í riðli í undankeppni B-deildarinnar og sigruðu 3 leiki en töpuðu þeim síðasta gegn Rúmeníu á heimavelli.

Írar léku hreinan úrslitaleik við Slóvaka í Írlandi nú á laugardaginn. Írar þurftu að sigra með 13 stigum til að komast áfram en minni sigur Íra eða sigur Slóvaka hefði fleytt Slóvökum áfram. Írar sigruðu svo leikinn með 14 stigum og enduðu því með 4 sigra og 2 töp líkt og Slóvakía og Sviss en hagstæðastu innbyrðisviðureignir.

Írar unnu fyrri leik þjóðanna um síðustu helgi með 14 siga mun, 80-66 og þurfa Danir því á stórleik að halda í dag til að tryggja seér sæti í A-deildinni.