Í kvöld, föstudagskvöld, hefst úrslitakeppni Evrópumóts landsliða 2005, Eurobasket 2005. Alls taka 16 þjóðir þátt í keppninni, sem hefst með keppni í fjórum riðlum. Keppninni lýkur með úrslitaleik þann 25. september nk.

Í gærkvöldi, fimmtudagskvöld, var haldin glæsileg og tilfinningaþrungin setningarathöfn í Belgrad. George Vassilakopoulos forseti FIBA Europe færði Borislav Stankovic heiðursforseta alþjóða körfuknattleikssambandsins, FIBA, gjöf vegna margra áratuga starf í þágu körfuboltans um allan heim. Vassilakopoulos bauð síðan Stankovic, sem er Serbi, óvænt og óundirbúið að setja mótið. Á vef mótsins kemur fram að Stankovic hafi hrærður þegar hann setti mótið.

Fyrstu leikirnir eru í dag en þá mætast:
Þýskaland - Ítalía og Rússland - Úkraína í A-riðli.
Króatía - Búlgaría og Tyrkland - Litháen í B-riðli.
Slóvenía - Bosnía og Frakkland - Grikkland í C-riðli.
Lettland - Ísrael og Serbía - Spánn í D-riðli.