Þann 1. september sl. hófst skráning í Íslandsmót yngri flokka og stendur skráningin til 10. september (30. sept. í MB). Skráningin hefur farið vel af stað og meðal annars hefur eitt nýtt félag bæst í hópinn.

Í meistaraflokki karla og kvenna og elstu yngri flokkunum var skráning góð, en sú skráning fór fram snemma í sumar. Alls mæta 41 félag til leiks í elstu flokkunum.

Vinna við niðurröðun leikja er nú á lokastigi, en endanleg niðurröðun verður gefin út 20. september.

Mikið er um félagaskipti þessa dagana, en uppfærður listi yfir samþykkt félagaskipti er hér til vinstri á vefnum. Frá og með 1. september tekur einn mánuð að fá leikheimild með nýju félagi, en félagaskipti leikmanna 20 ára og eldri eru ekki samþykkt nema félag það sem þeir hyggjast ganga í, sé skuldlaust við KKÍ. Þá þarf félagskiptagjald einnig að fylgja með beiðni um félagaskipti.