Ísland og Danmörk mætast í Evrópukeppni landsliða í Keflavík á morgun kl. 14:00. Leikurinn er síðari leikur þjóðanna, en í fyrri leiknum í Árósum í fyrra voru það Danir sem sigruðu með 10 stiga mun.

Ísland þarf því að vinna 11 stiga sigur í leiknum á morgun (laugardag) til að eiga möguleika á að leika til úrslita um laust sæti í A-deild Evrópukeppninnar, en að því er stefnt. Með Íslendingum og Dönum riðli eru einnig Rúmenar, sem til þessa hafa tapað báðum sínum leikjum.

KKÍ hvetur stuðningsmenn íslensks körfubolta til að fjölmenna í íþróttahúsið í Keflavík á morgun til að styðja íslenska liðið í baráttunni. Þetta er í fyrsta sinn í langan tíma sem landsliðið leikur mikilvægan leik á heimavelli, en það er einmitt það sem við höfum alltaf viljað og beðið eftir. Áhorfendur ætti ekki að verða sviknir af leiknum því bæði liðin eru sterk um þessar mundir og eiga leikmenn sem sjaldséðir eru á fjölum íslenskra íþróttahúsa og gaman er að fylgjast með.

Möguleikar Íslands í Evrópukeppninni