Eins og við flest vitum þá lést vinur okkar Anatolij Kovtoun fyrrum leikmaður KR í febrúar sl. Eftirlifandi eiginkona Tolja og dætur þeirra, 11 og tveggja ára, eiga um sárt að binda í Úkraínu. Tolja var fyrirvinna heimilisins og án reglulegrar innkoma hefur líf þeirra þegar breyst til hins verra.

Félagar Tolja úr Íslandsmeistaraliði KR frá árinu 1990 hafa hrundið af stað söfnum til að styðja við bakið á ekkjunni og dætrunum.
Stofnaður hefur verið sérstakur bankareikningur (hjá KB banka) vegna þessa og er ætlunin að fá alla þá sem málinu vilja leggja lið til þess að leggja inn á hann þá fjárhæð sem viðkomandi getur látið af hendi rakna. Engin heildarmarkmið hafa verið sett og engin lágmörk eða hámörk eru á framlögum. Óskað er eftir því að þeir sem hafi hug á leggja þessu mikilvæga málefni lið bregðist skjótt við svo að fjármunir þeir sem munu safnast nýtist fjölskyldu Tolja á sem bestan hátt.

Bankareikningur: 324-13-587
kt. 110365-3659.

Nánar á vef KR.