Seinni Elítubúðir sumarsins voru haldnar í Seljaskóla um helgina. Þar mættu krakkar á aldrinum 11-14 ára víðs vegar að af landinu til æfinga á vegum unglinganefndar KKÍ. Alls voru 180 krakkar í búðunum um helgina.

Krökkunum var skipt upp í þjá hópa, tveir hópar stráka æfðu fyrir hádegi, en stelpurnar voru eftir hádegi. Stjórnandi búðanna var Benedikt Guðmundsson unglingalandsliðsþjálfari, en með honum voru þeir Ingi Þór Steinþórsson, Einar Árni Jóhannsson, Ágúst Björgvinsson, Emil Örn Sigurðarson, Stefán Þór Borgþórsson, Snorri Örn Arnaldsson og fl.

Var það mál manna að vel hefði tekist til og stefnt er að sama fyrirkomulagi búðanna næsta sumar.