U16 lið karla tapaði í kvöld fyrir gríðarlega sterku liði Eista 56-90, staðan í hálfleik var 21-48. Haraldur Davíðsson var stigahæstur með 9 stig.

Eistar sem höfðu sigrað mótherja sína nokkuð sannfærandi hófu leikinn mjög grimmt og komust strax yfir 1-9 og leiddu 7-24 eftir fyrsta leikhluta. Allir leikmenn Íslands komu við sögu í fyrsta leikhluta og vantaði neistann sem liðið hafði haft í fararbroddi í sigurleiknum gegn Makedóníu. Vítanýting liðsins segir mikið um hugarfarið en einungis 16 af 36 vítaskotum rötuðu rétta leið í leiknum. Eistar höfðu 21-48 forystu í hálfleik.

Í síðari hálfleik komu Íslensku strákarnir inní leikinn af krafti, Gísli villaði engu að síður snemma út með 5 villur en allt annað var að sjá baráttu og eljuna í leikmönnum liðsins. Þriðja leikhluta sigruðu Íslensku strákarnir 20-15 og þjálfarateymið sáttari við að leikmenn héldu áfram en gæfust ekki upp. Í þriðja leikhluta náðu strákarnir muninum niður í 16 stig en nær komust þeir ekki og lokatölur 56-90.
hér