Stelpurnar í U-16 liði kvenna áttu góðan leik gegn Hollendingum þrátt fyrir tap 58-42. Stelpurnar leiddu með þremur stigum í hálfleik 27-24 og eins og tölurnar gefa til kynna spiluðu þær hörku vörn. Þær héldu Hollendingum í aðeins 17% skotnýtingu í fyrsta og öðrum fjórðungi auk þess að eiga í fullu tré við hávaxið lið andstæðinganna í fráköstunum.
Atkvæðamestar í íslenska liðinu voru þær Íris Sverrisdóttir sem skoraði 9 stig og Margrét Kara Sturludóttir sem tók 15 fráköst, en Kara er næst frákastahæst í mótinu eins og stendur. Góður stígandi hefur verið í liðinu og vonandi heldur sú þróun áfram.
Á morgun, mánudag, er leikjafrí og er ætlunin að skoða gamla bæinn í Tallinn en á þriðjudag mæta stelpurnar “Evrópuþjóðinni” Ísraelum í milliriðli. Auk Ísraela eru Íslendingar í riðli með Lettlandi og sameinuðu liði Bosníu og Hersegóvínu.