Samkvæmt heimasíðu FIBA Europe hefur Jón Arnór Stefánsson skrifaði undir samning við ítalska liðið Pompea Napoli um að leika með liðinu næsta tímabil.

Liðið hafnaði í 7.- 8. sæti í Seria A síðasta tímabil og féll út í 8-liða úrslitum fyrir Benetton Trevisio, sem David Blatt fyrrverandi þjálfari Jóns Arnórs hjá Dynamo St. Petersburg hefur tekið við.

Napoli liðið hefur undanfarin ár verið að þoka sér nær toppi ítölsku deildarinnar og tók þátt í ULEB cup síðasta ár þar sem liðið varð í 4 sæti í sínum riðli, vann 5 og tapaði 5.

Með liðinu léku tveir Kanar síðasta tímabil, Mike Penberthy sem lék með Lakers 2000/01 og Jerome Allen sem lék með Denver Nuggets 1996/97. Þá er með liðinu danskur landsliðsmaður, Michael Dahl Anderson en hann lék þó ekki á móti Íslendingu í Árósum síðastliðið haust. Samkvæmt dönsku fjölmiðlum virðist hann þó vera leið frá ítalska liðinu.
Með liðinu leika einnig Serbi, Bandaríkjamenn með tvöfalt ríkisfang auk heimamanna.