© 2000-2021 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
8.7.2005 | 16:19 | Gylfi
Grimmir gegn Georgíu
Ísland tapaði gegn Georgíu á Evrópumóti U20 í Varna í Búlgaríu í dag með 58 stigum gegn 85. Leikurinn var í járnum í upphafi en þegar á leið fóru yfirburðir Georgíumanna í fráköstum að segja til sín og niðurstaðan var 27 stiga tap íslenska liðsins.

Íslensku strákarnir mættu mjög grimmir til leiks og settu risastóra andstæðingana út af laginu. Viðar negldi niður þristum og allt liðið byrjaði frábærlega, vörnin góð og liðsvinnan til fyrirmyndar. Ágúst Angantýsson keyrði óhræddur á 2,20 metra háan miðherja Georgíu og lét hann líta illa út. Sveinbjörn, Grétar og Ragnar byrjuðu inná með þeim 2 fyrrnefndu og léku við hvurn sinn fingur. Staðan eftir fyrstu 10 mín. var 21-20 fyrir Ísland. Georgíumenn náðu áttum í 2. hluta og unnu hann 11-24. Smá einbeitingarskortur og of margir tapaðir boltar voru helsta ástæðan fyrir þessu. Í þriðja hluta héldu Georgíumenn uppteknum hætti og nýttu sér vel hæðina til að auka muninn, unnu 3. hluta 12-26. Íslensku strákarnir spýttu í lófana í lokaleikhlutanum og héldu jöfnu, 14-15 en þá var munurinn orðinn fullmikill.

Margt jákvætt mátti sjá hjá íslenska liðinu, gríðargóða baráttu og góðan liðsanda þar sem hver hvatti annan. Tapaðir boltar voru samt of margir, 26 alls, en Georgíumenn klúðruðu honum 24 sinnum eftir góða pressu okkar stráka. Það voru fráköstin sem gerðu þó gæfumuninn, 30-53 fyrir Georgíu og þar er sagan öll, enda við hálftröll að eiga.

Fyrir Ísland skoruðu Ágúst Angantýsson og Viðar Hafsteinsson 13 stig, Sveinbjörn Claessen 10, Grétar Guðmundsson 9, Ragnar Gylfason 6, Steingrímur Ingólfsson 3, Elvar Guðmundsson og Hörður Harðarson 2 hvor. Allir leikmennirnir komu við sögu og þó Bjarni Bjarnason og Friðrik Sigurðarson hafi ekki skorað, stóðu þeir sig með prýði, börðust eins og óðir hundar og voru landi og þjóð til mikils sóma.

Næsti leikur íslenska liðsins er í fyrramálið, 9. júlí kl. 9.45 að staðartíma eða 6.45 að morgni að íslenskum tíma. Hægt er að fylgjast með framvindu leiksns, og annarra leikja á mótinu, í gegnum heimasíðu FIBA.

Bestu kveðjur heim.
Mótayfirlit
Mótayfirlit allra flokka
Frá ferð U-20 ára landsliðs karla til Illinois í Bandaríkjunum árið 1982.  Gylfi Þorkelsson.
DómarahorniðLeiðararTölfræðiSaganViðtalið