Í gær, þriðjudaginn 10. maí, fór fram í fundarsölum ÍSÍ afhending á þjálfarastyrkjum Verkefnasjóðs ÍSÍ. Ellert B. Schram, forseti ÍSÍ, afhenti þjálfarastyrkina en 9 einstaklingar hlutu styrk að þessu sinni styrk að upphæð kr. 50.000 hver. Þessir styrkir hafa verið veittir síðan 1998 og þetta er í 14. sinn sem þessir styrkir eru veittir.

Meðla þeirra sem hlutu styrkinn að þessum sinni var Daði Steinn Arnarson körfuknattleiksþjálfari hjá Hamri/Selfossi.

Daði Steinn lauk íþróttakennaraprófi frá Laugarvatni árið 1995 og hefur að auki sótt nokkur námskeið á vegum KKÍ. Hann hóf 14 ára gamall að þjálfa körfuknattleik, árið 1985, og hefur síðan þjálfað yngri flokka auk þess að strafa sem íþróttakennari frá 1995. Daði Steinn hlýtur styrk til að sækja körfuknattleiksbúðir í Serbíu-Svartfjallalandi.