Stelpurnar í U-89 unnu Noreg nokkuð sannfærandi nú rétt í þessu hér á NM i Stokkhólmi. Ísland skoraði 66 stig gegn 49 stigum Norðmanna (17-8, 32-16, 48-31, 66-49).
Sigurinn var afar kærkominn þar sem liðið hafði tapað fyrstu 3 leikjunum á mótinu. En íslensku stelpurnar voru alltaf skrefinu á undan þeim norsku og áttu sigurinn fyllilega skilið. Med þessum sigri tryggðu stelpurnar sér leik um 3.sætið á mótinu.Leikurinn um 3. sætið er á morgun kl. 09:00 (07:00 að íslenskum tíma).

Stig Íslands í leiknum; Margrét Kara Sturludóttir 15 stig og 12 fráköst, Íris Sverrisdóttir 13, Alma Rut Garðarsdóttir 9, Unnur Tara Jónsdóttir 9, Hafrún Hálfdánardóttir 6, Margrét Albertsdóttir 4, Berglind Anna Magnúsdóttir 3, Ragna Magrét Brynjarsdóttir 3, María Lind Sigurðardóttir 2 og Ingibjörg Jakobsdóttir 2.