Í dag leika tveir íslenskir íþróttamenn til undanúrslita í Evrópukeppnum. Jón Arnór Stefánsson leikur með félagi sínu Dynamo St. Petersburg gegn öðru rússnesku félagi, BC Khimky í FIBA Europe League og Eiður Smái Guðjohnsen leikur með Chelsea einnig gegn félagi frá sama landi, Liverpool, í meistaradeild Evrópu í knattspyrnu.

Leikur Dynamo og Khimky hefst kl. 15:45 að íslenskum tíma í Istanbul í Tyrklandi. Strax að leik lokum mætast BC Kiyv og Fenerbahce í hinum undanúrslitaliknum.

Þrír íslenskir boltaíþróttamenn eiga möguleika á Evrópumeistaratitli nú í vor, því auk Jóns Arnórs og Eiðs Smára, er Ólafur bróðir Jóns Arnór kominn í úrslit meistaradeildarinnar í handknattleik, með liði síunu Ciudad Real. Liðið mætir örðu spænsku félagi, Barcelona, í úrslitum meistaradeildarinnar. Fyrri úrslitaleikurinn er 30. apríl.

Úrslitaleikur FIBA Europe League fer fram á morgun.
Nánar á vef FIBA Europe og vef KR.