© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
10.4.2005 | 19:50 | Óskar Ó. Jónsson
Haukar og KR unnu bæði tvöfalt í vetur
Haukastelpurnar í unglingaflokki og KR-strákarnir í drengjaflokki bættu í dag Íslandsmeistaratitlinum við bikarmeistaratitlana sem liðin unnu í mars. Haukar unnu Keflavík auðveldlega með 35 stigum í úrslitaleik unglingaflokks kvenna, 91-56, en Haukar unnu 22 stiga sigur í bikarúrslitaleik félaganna fyrr í vetur, 91-69. Þetta í fjórða árið í röð sem Haukar vinna Íslandsmót unglingaflokks kvenna og annað árið í röð sem Haukar vinna tvöfalt í flokknum. KR vann Fjölni, 82-77, í skemmtilegum og spennandi úrslitaleik í drengjaflokki en KR vann bikarúrslitaleik sömu liða með 8 stigum, 82-74, fyrr í vetur. Þetta er annað árið í röð og í fjórða skiptið á síðustu sex árum sem KR vinnur Íslandsmót drengjaflokks.

Haukakonur tóku öll völd strax í byrjun, komust í 13-2 og voru 23-6 yfir eftir fyrsta leikhluta. Keflavík minnkaði muninn niður í 11 stig í öðrum leikhluta, 25-14, en Keflavík hafði 23 stig yfir í hálfleik, 44-21 og komst mest 37 stigum yfir í lok þriðja leikhluta, 70-33. Haukar unnu að lokum með 35 stigum, 91-56. Helena Sverrisdóttir var með þrefalda tvennu hjá Haukum, 19 stig, 11 fráköst og 11 stoðsendingar, Sigrún Sjöfn Ámundadóttir skoraði 18 stig, tók 7 fráköst og hitti úr 8 af 11 skotum, Ösp Jóhannsdóttir bætti við 14 stigum og Pálína Gunnlaugsdóttir skoraði 12 stig. Hjá Keflavík var Hrönn Þorgrímsdóttir stigahæst með 12 stig, Bára Bragadóttir var með 11 stig og 7 stoðsendingar, María Ben Erlingsdóttir skoraði 11 stig og tók 12 fráköst og Bryndís Guðmundsdóttir var með 8 stig og 10 fráköst.

Leikur KR og Fjölnis var frábær skemmtun. KR komst mest 11 stigum yfir í fyrsta leikhluta, 20-9, og leiddu með 10 situgm í hálfleik, 45-35. Fjölnir skoraði 7 fyrstu stig seinni hálfleiks og fyrir fjórða leikhlutann munaði aðeins tveimur stigum, 59-57. Fjölnir komst síðan þremur stigum yfir í fjórða leikhluta en KR skoraði 6 síðustu stig leiksins og tryggði sér fimm stiga sigur, 82-77. Brynjar Þór Björnsson var frábær hjá KR með 28 stig, 19 fráköst, 9 stolna bolta og 5 varin skot, Ellert Arnarson skoraði 18 stig og gaf 9 stoðsendingar, Arnar Ólafsson skoraði 13 stig og Darri Hilmarsson var með 12 stig, 8 fráköst og 7 stoðsendingar. Hjá Fjölni var Brynjar Þór Kristófersson með 24 stig, 8 fráköst, 6 stolna bolta og 6 stoðsendingar, Árni Þór Jónsson skoraði 16 stig, Sindri Már Kárason var með 15 stig og 3 varin á aðeins 20 mínútum og þá skoraði Árni Ragnarsson 11 stig og Hörður Vilhjálmsson var með 9 stig og 9 stoðsendingar.
Mótayfirlit
Mótayfirlit allra flokka
Lið Íslands skipað leikmönnum 20 ára og yngri tók þátt í B-deild Evrópukeppninnar sumarið 2006. Liðinu stjórnaði Einar Árni Jóhannsson.
DómarahorniðLeiðararTölfræðiSaganViðtalið