Keflavík hefur kært úrslit leiksins gegn Snæfelli í úrslitarimmu Intersport-deildarinnar sem fram fór í Stykkishólmi í gærkvöldi. Keflavík, sem tapaði leiknum telur að mistök hafi orðið á ritaraborðinu og löglega skoruð karfa þeirra hafi ekki verið talin.

Í kærunni til dómstóls KKÍ fara Keflavíkingar fram á að fjórði leikhluti leiksins verði leikinn að nýju og til vara að allur leikurinn fari fram aftur.

Dómstóll KKÍ hefur móttekið kæruna og mun málið verða tekið þar fyrir svo fljótt sem auðið er.