Dynamo St. Petersburg, félag Jóns Arnór Stefánssonar, landsliðsmanns, hefur formlega sótt um að halda fjögurra liða úrslitakeppni FIBA-Europe League, en keppnin verður haldin 27.-28. apríl nk.

Dynamo er eina taplausa liðið í keppninni til þessa, en liðið hefur sigrað í öllum 16 leikjum sínum í vetur. Fá liðið að halda úrslitakeppnina aukast sigurlíkur félagsins til mikilla muna.

Úkraínska félagið BC Kyiv og hið tyrkneska Fenerbahce munu einnig sækjast eftir því að halda keppnina komist þau áfram, en þeirra bíða oddaleikir í 8-liða úrslitum.