Haukar og Fjölnir urðu um helgina Íslandsmeistarar í 7. flokki. Haukar unnu 7. flokki kvenna og Fjölnir 7. flokk karla. Bæði félögin unnu titlana á heimavelli sínum.

Haukastúlkurnar í 7. flokki kvenna tileinkuðu þjálfara sínum, Yngva Gunnlaugssyni, sigurinn. Hann gat ekki verið með þeim í úrslitamótinu, þar sem hann liggur á sjúkrahúsi eftir augnaðgerð. Eftir mótið héldu stúlkurnar á sjúkrabeð þjálfara síns með bikarinn í farsteskinu og verðlaunapening til þjálfarans. Haukar lentu í kröppum dans í úrslitamótinu, þurftu ma. að leika tvíframlengdan leik gegn UMFH.

Fjölnisstrákar í 7. flokki unnu alla sína leiki nokkuð létt og voru vel að sigrinum komnir. Þetta lið varð í örðu sæti í MB í fyrra, en þá varð UMFN Íslandsmeistari.

Helgina 12.-13. mars varð UMFN Íslandsmeistari í 8. flokki kvenna, en mótið fór fram á Flúðum. Þá varð Breiðablik Íslandsmeistari í minnibolta karla í móti sem fram fór í Smáranum.

kki.is stefnir að því að birta myndir af öllum Íslandsmeistaraliðum í ár og biður þau félög sem í hlut eiga að senda myndirnar hið fyrsta.

mt: Íslandsmeistarar Hauka í 7. flokki kvenna fengu sér langa og góða sturtu eftir sigurinn á Íslandsmótinu um helgina enda ekki vanþörf á. (mynd - haukar.is)