Aganefnd KKÍ hefur dæmt Epson-deildar leikmennina Kristinn Friðriksson Tindastóli og Ægi Hrafn Jónsson Hamri og Helgu Eiríksdóttur leikmann b-liðs mfl. Keflavíkur í eins leiks.

Kristinn fékk dæmda á sig brottrekstrarvillu í leik Tindastóls og Hauka í Epson-deildinni 7. desember sl. og var kærður til aganefndar í kjölfarið fyrir óprúðmannalega framkomu.

Ægi var vikið af leikvelli í kjölfar þess að hann fék dæmdar á sig tvær tæknivillur í bikarleik Hamars og Tindastól 9. desember. Í kjölfarið var hann kærður til aganefndar fyrir óprúðmannlega framkomu.

Helga fékk dæmda á sig brottrekstrarvillu í bikarleik Tindastóls og Keflavíkur b 10. desember sl. Í kjölfarið var hún kærð til aganefndar fyrir sérlega grófan leik eða ofbeldi.

Þessir þrír leikmenn fengu allir eins leiks bann sem tekur gildi frá og með hádegi föstudaginn 15. desember. Þeir Kristinn og Ægir verða því í banni í fyrstu leikjum liða sinna á nýju ári, en það er í 12. umferð Epson-deildarinnar þann 4. janúar. Helga mun taka bannið út í leik Keflavíkur b í 8-liða úrslitum bikarkeppninnar.