Haukastelpurnar í 10. flokki tryggðu sér áðan bikarmeistaratitilinn í 10. flokki með 18 stiga sigri á Grindavík, 52-34, í úrslitaleik. Haukar komust strax í 19-7 og leiddu 31-11 í hálfleik. Ragna Margrét Brynjarsdóttir var valin maður leiksins en hún skoraði 12 stig, tók 25 fráköst og varði 6 skot í liði Hauka. Unnur Tara Jónsdóttir var stigahæst í liði Hauka með 24 stig en Alma Rut Garðarsdóttir skoraði 17 stig fyrir Grindavík.