Búið er að draga í riðla fyrir Lengjubikarinn 2015. Þau Guðbjörg Norðfjörð varaformaður KKÍ og Haukur Helgi Pálsson landsliðsmaður sáu um að draga. Fyrsti leikdagur í Lengjubikar karla er 14. september og í Lengjubikar kvenna 15. september.

Á síðasta Körfuknattleiksþingi lág fyrir þinginu tillaga þess efnis að fella út Fyrirtækjabikarinn. Þingið felldi þá tillögu. Miklar umræður voru um mikilvægi keppninnar en þær voru á þá leið að mótið væri mikilvægt undirbúningsverkefni fyrir öll lið. Stjórn KKÍ tók þetta mál upp á stjórnarfundi og var ákveðið að opna bikarinn fyrir öllum liðum í úrvalsdeild og 1. deild. Breytingar á reglugerð um körfuknattleiksmót var framkvæmd miðað við þessa ákvörðun.

Sama styrkleikaröðun er í keppninni eins og undanfarin ár. Í karlakeppninni eru fjögur lið í styrkleikaflokki og í kvennakeppninni eru tvö lið í styrkleikaflokki. Árangur keppnistímabilsins á undan raðar liðum í styrkleikaflokka.
Stjórn KKÍ mun ákveða á stjórnarfundi í júlí hvar hin „Fjögur fræknu“ verða leikin en umsóknarfrestur félaga til að sækja um að halda keppnina er til 1. júlí 2015.

Lengjubikar kvenna:
11 lið skráðu sig til leiks og verður því leikið í tveimur riðlum. Annar með sex liðum og hinn með fimm liðum. Leikin verður einföld umferð. Að lokinni riðlakeppni fara tvö efstu lið hvors riðils í undanúrslit eða „Hin fjögur fræknu“.

A-riðill:
Snæfell (1)
Grindavík (4)
Hamar (6)
Stjarnan (8)
Þór Ak. (10)
Skallagrímur (11)

B-riðill:
Keflavík (2)
Haukar (3)
Valur (5)
KR (7)
Njarðvík (9)

Leikdagar:
Leikdagur 1: þriðjudagur 15. september
Leikdagur 2: föstudagur 18. september
Leikdagur 3: mánudagur 21. september
Leikdagur 4: fimmtudagur 24. september
Leikdagur 5: laugardagur 26. september
Undanúrslit: fimmtudagur 1. október
Úrslit: sunnudagur 4. október

Lengjubikar karla:
20 lið skráðu sig til leiks og verður því leikið í fjórum fimm liða riðlum. Leikin verður einföld umferð. Að lokinni riðlakeppni fara tvö efstu lið hvers riðils í átta liða úrslit.

A-riðill:
Njarðvík (4)
Þór Þorlákshöfn (7)
Snæfell (9)
Hamar (15)
Ármann (20)

B-riðill:
Tindastóll (2)
Keflavík (6)
Fsu (12)
Skallagrímur (14)
Breiðablik (17)

C-riðill:
Haukar (3)
Stjarnan (5)
Höttur (11)
Fjölnir (13)
Þór Ak. (19)

D-riðill:
KR (1)
Grindaví (8)
ÍR (10)
Valur (16)
KFÍ (18)
Leikdagar:
Leikdagur 1: mánudagur 14. september
Leikdagur 2: fimmtudagur 17. september
Leikdagur 3: laugardagur 19. september
Leikdagur 4: þriðjudagur 22. september
Leikdagur 5: föstudagur 25. september
Átta liða úrslit: mánudagur 28. september
Undanúrslit: föstudagur 2. október
Úrslit: sunnudagur 4. október