Joan Montes þjálfari Barcelona segir að danski landsliðsmaðurinn Christian Drejer verði að bæta leik sinn verulega ef hann eigi að fá nýjan samning við katalónska liðið og hann geti lagt öll áform um NBA-feril á hilluna.

Drejer hefur ekki náð að festa sig í sessi hjá Barcelona og kemur sjaldan inná. Þjálfarinn segir að hann skorti baráttuþrek og vilja til að bæta sig. Hann eiga góðan dag á æfingu einn daginn, en næsta dag sé hann ómögulegur. Það vanti allan stöðugleika í leik hans.

Hinn 22 ára gamli Drejer var keyptur til Barcelona frá háskólanum í Florida, þar sem hann lék í tvö ár. Drejer var valinn af New Jersey Nets í nýliðavalinu í fyrra og hann stefnir að á fara til Nets í sumar og freista þess að vinna sér sæti í liðinu.

Af vef FIBA