Serbar og Svartfellingar, gestgjafar úrslitakeppni Evrópumótsins sem fram fer síðar á þessu ári, telja sig hafa lent í "léttasta" riðlinum, en drátturinn fór fram í Belgrad um helgina.

Serbar lentu í D-riðli með Spánverjum og Lettum og sigurvegurum úr sérstakri forkeppni þjóða sem ekki komust beint í úrslitin með því að verða í 1. eða 2. sæti í sínum riðli undankeppninnar.

Riðlarnir í Eurobasket 2005 verða sem hér segir:

A-riðill: Úkraína, Rússland, Þýskaland, Ítalía.
B-riðill: Tyrkland, Króatía, Litháen, Búlgaría.
C-riðill: Slóvenía, Frakkland, Grikkland, Bosnía&Herzegóvína.
D-riðill: Serbía&Svartfjallaland, Spánn, Lettland, þjóð úr aukakeppni.

Á þessu má sjá að vart má á milli sjá hvort A- eða C-riðlar teljist dauðarriðillinn í keppninni, en ljóst er að hart verður barist í öllum riðlinum og óvænt úrslit munu áreiðanlega líta dagsins ljós.

Ísrael og Ungverjaland eru talin líklegust til að berjast um sigurinn í aukakeppninni, en auk þess taka Svíþjóð, Portúgal. Belgía, Tékkland, Pólland, Holland og Eistland.