Stjörnuleikur KKÍ verður í dag. Kl. 14:10 verður kvennaleikurinn og kl. 16:00 karlaleikurinn. Leikirnir fara fram í Valsheimilinu að Hlíðarenda.

Þetta verður 18. Stjörnuleikurinn sem KKÍ heldur en sá fyrsti fór fram í Valsheimilinu fyrir rétt tæpum sautján árum síðan, nánar til getið 27. janúar 1988 í þá nýbyggðu íþróttahúsi Vals á Hlíðarenda sem hýsir sinn síðasta þriðja og síðasta stjörnuleik í dag þar sem nýtt hús verður byggt á næsta ári.

Það má finna margskonar upplýsingar um sögu Stjörnuleiksins hér en þar kemur meðal annars fram að Sigurður Ingimundarson, þjálfari íslenska úrvalsliðsins, þarf að brjótast í gegnum tvo múra í dag. Sigurður hefur aldrei stjórnað liði til sigurs í Stjörnuleik og íslenskt úrvalslið hefur aldrei unnið bandaríska atvinnumenn í þau tvö skipti sem þau hafa mæst til þessa.

Þá má einnig finna þar hvaða leikmaður er sá eini í sögu Stjörnuleiksins sem hefur unnið til allra þriggja verðlaunanna sem eru árlega í boði í þessum leik, það er verið valinn maður leiksins, unnið troðslukeppnina og unnið þriggja stiga skotkeppnina. Sá hinn sami var valinn maður leiksins 1990, vann troðslukeppnina fyrstu tvö árin og þriggja stiga skotkeppnina 1996 og 2000.

Mikið verður um dýrðir svo sem venja er þegar stjörnuleikurinn er annars vegar. Keppt verður í 3ja stiga skotum og troðslu, auk þess sem áhorfendum gefst kostur á að vera með í fjörinu. Nánar um það á staðnum.

GÓÐA SKEMMTUN!