Eftirlitsnefnd KKÍ úrskurðaði hinn 22. nóvember s.l. að körfuknattleiksdeild Grindavíkur skyldi greiða kr. 100.000 í sekt fyrir að brjóta gegn grein 3.2 í "Reglugerð um þátttöku félaga í úrvalsdeild ka. og þáttt. mfl. í bikark. KKÍ" sem samþykkt var á ársþingi KKÍ 2. maí 2004. Körfuknattleiksdeild Grindavíkur var einnig sektuð fyrir að skila ekki fjárhagsáætlun til KKÍ á réttum tíma.

Nefndin fellst á að samkvæmt þeim gögnum sem félagið hefur nú lagt fram er búið að bæta úr því broti sem framið var. Fyrri úrskurður eftirlitsnefndar stendur samt sem áður óbreyttur hvað sektir varðar.

Rétt er að benda á viðurlög um að lið getur ekki verið ofar liði með sama stigafjölda í lok leiktíðar vegna sekta sem þau hafa verið beitt. Á þetta bæði við um UMFG og Snæfell.