Ísland tapaði fyrir Úkraínu 62-105 í Laugardalshöll í kvöld.
Leikur liðanna var jafn fyrstu tvo leikhlutana, 21-29 eftir þann fyrsta og 45-45 í hálfleik. Í þriðja leikhluta hrundi leikur íslenska liðsins og liðið skoraði aðeins 7 stig gegn 37 stigum Úkraínu, eftir það náði íslenska liðið sér ekki á strik og munurinn jókst jafnt og þétt til leiksloka og endaði 62-105.

Stig Íslands skiptust þannig í leiknum: Helgi Jónas Guðfinnsson 17, Jón Arnór Stefánsson 13 (3 stolnir boltar og 3 stoðsendingar), Friðrik Stefánsson 8 (11 fráköst, 3 varin skot og 4 stoðsendingar), Herbert Arnarson 8, Eiríkur Önundarson 5, Ólafur Jón Ormsson 5 (4 stolnir boltar), Páll Axel Vilbergsson 3 og Logi Gunnarsson 3.

Íslenska liðið hitti úr 6 af 43 tveggja stiga skotum sínum en 10 af 26 í þriggja. Vítanýtingin var öllu skárri eða 20 af 24. Í seinni hálfleik hitti íslenska liðið úr 5 af 33 skotum utan af velli.

Í liði Úkraínu var hinn 21 árs gamli Mykola Khryapa bestur, skoraði 20 stig, tók 13 fráköst og varði 11 skot. Ekki amaleg þreföld tvenna það.

Tölfræði leiksins

Íslenska liðið heldur til Belgíu á morgun þar sem það mun leika við Belga á laugardaginn kl 18:30 að íslenskum tíma.