Þriðji heimaleikur Keflvíkinga í riðlakeppni bikarkeppni Evrópu fer fram í kvöld kl. 19:15. Mótherjar Íslandsmeistaranna að þessu sinni eru danska liðið Bakken Bears frá Árósum.

Keflavík hefur sigrað í báðum heimaleikjum sínum til þessa, geng Reims frá Frakklandi og Madeira frá Portúgal, og leikurinn í kvöld er því sérlega mikilvægur fyrir Keflvíkinga.

Keflavík er efst í riðlinum fyrir leikinn í kvöld, en liðið á alla útileikina eftir. Í nógu er að snúast hjá Keflavík þessa dagana því á morgun mætir liðið grönnum sínum úr Njarðvík í undanúrslitum Hópbílabikarkeppninnar.