Laugardaginn 6. nóvember stendur körfuknattleiksdeild Stjörnunnar fyrir bílasýningu á Garðatorgi í samvinnu við B&L.

B&L mun koma með allar sínar helstu tegundir bifreiða til sýnis á Garðatorgi, og að auki verða sölumenn B&L á staðnum til ráðgjafar. Lýsing kynnir hagstæða bílafjármögnun, Hagkaup verður með veitingar fyrir gesti og leikmenn mfl. Stjörnunnar verða með skotkeppni fyrir gesti og gangandi. Hljómsveitin Á móti sól kemur og spilar kl. 14:00.

Dreifiriti verður dreift í öll hús í Garðabænum á fimmtudag/föstudag, plaköt verða hengd upp og umfjöllun verður um þetta í Garðapóstinum og Víkurfréttum.

Athyglisvert framtak hjá Stjörnunni, en íþróttafélögin leita sífellt nýrra leiða til að afla rekstrarfjár og til að kynna starfsemi sína.

Nánar á vef Stjörnunnar.