Fyrsti leikur Keflvíkinga í bikarkeppni Evrópu verður annað kvöld, miðvikudagskvöld, í gegn franska liðinu Reims. Leikurinn fer fram í Keflavík kl. 19:15.

Keflavík gekk sem kunnugt er vel í þessari keppni í fyrra og vann alla heimaleiki sína í ríðlinum. Liðið komst áfram úr riðlinum og lenti á mót firna sterku liði að nafni Dijon frá Frakkalandi. Dijon komst síðan áfram og vann vesturdeildina og komst í úrslitaleikinn á móti Mitteldeutser bc. Þar hafði Mitteldeutser bc. betur og varð þar með meistari.

Í liði Reims eru margir góðir leikmenn td. Ryan Fletcher sem er 205 sm og 110 kg. Camara Souleymane sem er 210 sm og 111 kg og ShaunFein 191 sm 91 kg svo einhverjir séu nefndir.

Liðin sem eru með Keflvíkingum í riðli nú eru Reims, Madeira frá Portugal og Bakken Bears frá Danmörku. Allir heimaleikirnir þrír verða leiknir á næstu þremur vikum og þá taka við útileikirnir.

KKÍ hvetur áhugamenn um góðan körfubolta að fjölmenna í íþróttahúsið í Keflavík og styðja Keflavíkinga í baráttu þeirra við hin erlendu lið.