Íslenska landsliðið sigraði Rúmena 79-73 í sveiflukenndum leik.
Íslenska liðið hóf leikinn af krafti og var með undirtökin allan fyrsta leikhluta og leiddi 28-16 í lok hans. Leikurinn jafnaðist í öðrum leikhluta en íslensku strákarnir héldu þó út og skoruðu síðust körfu hálfleiksins og leiddu 40-38. Rúmenar komu ákveðnir til leiks í síðari hálfleikinn og náðu forustunni og leiddu í þriðja leikhluta, en aldrei með meira en sex stigum. Staðan eftir þrjá leikhluta var 58-63 fyrir Rúmena. Í fjórða leikhluta tók íslenska liðið við sér á ný og náði forustu um miðbik leikhlutans og unnu að lokum nokkuð örugglega 79-73.
Stigahæstu menn:
Helgi Magnússon 16 stig
Jón Arnór Stefánsson 13 stig
Páll Axel Vilbergsson 11 stig.

Tölfræði leiksins. Athugið þó að Friðrik Stefánsson var númer 5 en ekki Eiríkur Önundarson.