Körfuknattleiksdeild Þórs stendur fyrir æfingamóti á Akureyri helgina 10. til 12. september. Verið er að endurvekja Greifamótið sem var árviss viðburður fyrir nokkrum árum. Þá hefur KB-banki jafnframt gengið til liðs við Þórsara og Greifamenn og mun mótið því bera nafnið, Greifa- og KB-bankamótið í körfubolta.

Að þessu sinni hefur sjö liðum verið boðið til leiks, auk gestgjafanna í Þór. Liðin sem um ræðir eru ekki af verri endanum en þau eru ÍR, Grindavík, KR, Snæfell, Fjölnir, Tindastóll og KFÍ.

Leikið verður í tveimur riðlum sem spilast á föstudegi og laugardegi. Leikið verður í Íþróttahöllinni og í glænýju íþróttahúsi Síðuskóla. Úrslit ráðast svo fyrri part sunnudags þegar leikið verður um sæti.

Aðgangur að leikjunum er ókeypis og er fólk eindregið hvatt til þess að mæta á til þess að mæta á völlinn.

Riðlaskipting og niðurröðun leikja:

A – riðill (Síðuskóli) B – riðill (Höllin)
ÍR Snæfell
KR Grindavík
Tindastóll KFÍ
Fjölnir Þór Ak.

Föstudagur 10. sept.
Síðuskóli kl. 19:00 ÍR-UMFT
Síðuskóli kl. 21:00 KR-Fjölnir

Höllin kl. 19:00 Þór Ak.-Grindavík
Höllin kl. 21:00 Snæfell-KFÍ

Laugardagur 11. sept.
Síðuskóli kl. 09:00 UMFT-KR
Síðuskóli kl. 11:00 Fjölnir-ÍR
Síðuskóli kl. 15:00 Fjölnir-UMFT
Síðuskóli kl. 17:00 ÍR-KR

Höllin kl. 09:00 Þór Ak.-KFÍ
Höllin kl. 11:00 Grindavík-Snæfell
Höllin kl. 15:00 Þór Ak.-Snæfell
Höllin kl. 17:00 KFÍ-Grindavík

Sunnudagur 12. sept.
Síðuskóli kl. 09:00 A4 – B4
Höllin kl. 09:00 A3 – B3
Höllin kl. 11:00 A2 – B2
Höllin kl. 13:00 A1 – B1 – Úrslit

Frekari upplýsingar veitir Hrafn Kristjánsson, þjálfari mfl. Þórs, í síma 891-7710.