Vegna verkfalls framhaldsskólakennara hefur öllum leikjum Lauga (ÍFL) í 2. deild karal A2 sem eftir eru á þessu ár (3 talsins) verið frestað um óákveðinn tíma.

Lið ÍFL er eingöngu skipað nemendum Laugaskóla, sem nú eru allir farnir til síns heima og því ekkert annað hægt að gera en að fresta leikjunum. Ef verkfallið dregst á langinn, þar að segja fram á næsta ár, gæti orðið að fresta fleiri leikjum hjá liðinu eða það yrði hreinlega að hætta keppni.

Þá hefur verið ákveðið að fresta framhaldsskólamótinu fram yfir áramót vegna verkafallsins. Riðlakeppni átti að fara fram nú í nóvember. Nánari tilhögun mótsins verður ákveðin þegar framhaldsskólarnir taka aftur til starfa.