Danska landsliðið sem undirbýr sig fyrir Evrópuleiki gegn Íslendingum og Rúmenum síðar í mánuðinum tók þátt í æfingamóti í Írlandi nú um helgina. Eins og KKÍ hefur greint frá töpuðu þeir gegn Tyrkjum í fyrsta leik á fimmtudag en unnu svo Íra og Englendinga í hinum tveimur leikjunum og sigruðu í mótinu.

Á föstudag unnu þeir heimamenn, Íra, 81-74 og var Martin Thuesen stigahæstur með 18 stig, Chris Christoffersen 13 (218cm), Jens Laulund 9, Chanan Coleman 8, Jesper Sörensen 7 og aðrir minna.

Danir unnu svo Englendinga 71-41 þar sem Peter Johanesn skoraði mest 13 stig, Thomas Soltau skoraði 12 og Chris Christoffersen skoraði 10.

Sigurinn á Írum var fyrsti sigur danska landsliðsins í 3 ár eða síðan þeir unnu Rúmena heima í undankeppni EM 2003. Jafnframt var þetta í fyrsta sinn í 6 ár sem þeir vinna á útivelli.

Danir halda svo til Finnlands nú þegar þeir koma heim og leika þar æfingaleiki við heimamenn og má reikna með að endanlegur hópur verði valinn að því loknu.

Enn er óljóst hvort 3 af aðalleikmönnum liðsins geti leikið með, en það eru þeir Christian Drejer, Barcelona, Michael Dahl Andersen, Napoli og Nicolais Iversen, Alcudia-Aracena 2LEB Spáni en hann hafði áður hafnað að leika með Murcia sem Damon Johnson lék með í fyrra.