Í 60 ára afmælishófi ÍBR í gær var tveimur körfuboltafrömuðum úr ÍR afhent gullmerki ÍBR. Þetta voru þeir Hólmsteinn Sigurðsson og Einar Ólafsson.

Hólmsteinn Sigurðsson lék lengi með gullaldarliði ÍR og íslenska landsliðinu. Hann varð síðar formaður KKÍ auk þess sem hann gegndi stjórnarstörfum hjá ÍR. Einar Ólafsson lék með ÍR á frumbernskuárum körfuboltans hér á landi og þjálfaði síðar gullaldarlið félagsins, auk þess sem hann var landsliðþjálfari um skeið. Einar hætti nýlega að þjálfa hjá ÍR eftir marga áratuga starf.
Einar er annar tveggja núlifandi manna sem bera heiðurskross KKÍ (sjá mynd).

KKÍ óskar þeim félögum til hamingju með gullmerkið, sem og ÍBR til hamingju með 60 ára afmælið.