Að loknu Norðurlandamóti kvenna sem lauk í Arvika í Svíþjóð í dag valdi dómnefnd lið mótsins. Helena Sverrisdóttir var valin í liðið sem framherji, ein Íslendinga. Aðrar í liðinu voru Finnarnir Susanna Rinta, Reetta Piipari og Taru Tuukkanen og Norðmaðurinn Nanna Sand.
Finnar sigruðu í mótinu, unnu alla sína leiki, Danir urðu aðrir, Svíar þriðju, Íslendingar fjórðu og Norðmenn fimmtu.