Íslenska kvennalandsliðið í körfubolta tapaði lokaleik sínum á Norðurlandamótinu í Svíþjóð með 17 stigum gegn Finnum, 60-77. Finnar höfðu 15 stiga forskot í hálfleik, 31-46. Íslensku stelpurnar enduðu í 4. sæti sem er besti árangur kvennalandsliðsins á Norðurlandamótinu frá upphafi. Liðið vann fyrsta leikinn gegn Norðmönnum en tapaði síðan fyrir Svíum, Dönum og Finnum.

Gangur leiksins gegn Finnum í dag:
1. leikhluti: 17-23
2. leikhluti: 14-23 (31-46)
3. leikhluti: 9-10 (40-56)
4. leikhluti: 20-21 (60-77)

Mynd: Íslenska kvennalandsliðið í körfubolta náði undir stjórn Ívars Ásgrímssonar sínum besta árangri frá upphafi á Norðurlandamóti en liðið lauk keppni í dag.