Íslenska kvennalandsliðið vann sannfærandi 26 stiga sigur á Möltu, 84-58, í úrslitaleik riðilsins og tryggðu sér sæti í úrslitaleiknum gegn Lúxemborg á morgun. Birna Valgarðsdóttir skoraði 25 stig og setti niður 6 af 11 þriggja stiga körfum liðsins og þá var Signý Hermannsdóttir með 10 stig, 13 fráköst, 8 stoðsendingar og 8 varin skot. Úrslitaleikurinn hefst klukkan 17.00 að íslenskum tíma á morgun.

Íslensku stelpurnar byrjuðu leikinn af krafti, leiddi 23-13 eftir fyrsta leikhluta og voru komnar með 20 stiga forskot í hálfleik, 46-26. Malta byrjaði seinni hálfleikinn af krafti og minnkaði muninn í 14 stig í upphafi seinni hálfleiks (51-37) en þá fundu íslensku stelpurnar aftur taktinn og kláruðu leikinn af öryggi.

Leikskipulag íslenska liðsins gekk fullkomlega upp og sóknarleikur Möltu var mjög vandræðalegur lengstum. Þær voru þvingaðar til þess ad taka erfið skot en íslensku stelpurnar vörðu alls 15 skot í leiknum og Malta nýtti aðeins 37% skota sinna. Á sama tíma hittu íslensku stelpurnar úr 11 þriggja stiga skotum sínum og notuðu aðeins 24 tilraunir til þess. 20 af 23 3ja stiga skotum misfórust gegn Azerbaidjan kvöldið áður.

Atkvæðamestar hjá íslenska liðinu í leiknum:
Birna Valgarðsdóttir 25 (hitti úr 6 af 11 3ja stiga skotum)
Anna María Sveinsdóttir 12 (5 fráköst, 3 stoðs.)
Signý Hermannsdóttir 10 (13 fráköst, 8 stoðs., 8 varin)
Erla Þorsteinsdóttir 9 (hitti úr 3 af 5 skotum)
Alda Leif Jónsdóttir 8 (7 fráköst, 7 stoðs, 5 varin, 3 stolnir)
Erla Reynisdóttir 5
Hildur Sigurðardóttir 5