Eins og kunnugt er hefur KKÍ samið við Ölgerðina um stuðning við bikarkeppnina. Keppnin verður kennd við Doritos-snakkið góða og kallast bikarkeppni KKÍ&Doritos. Samningurinn var undirritaður í vikunnu og þá var meðfylgjandi mynd tekin. Það eru þeir Arnar Ottesen markaðsstjóri Doritos á Íslandi og Ólafur Rafnsson formaður KKÍ sem rituðu nöfn sín á samninginn.

UMFN - KR er án efa leikur 16-liða úrslitanna, en UMFN þurfti einnig að glíma við Epson-deildarlið í 32-liða úrslitunum. Ljóst er að í 8-liða úrslitunum verður í það minnsta eitt neðri deildarlið, þar sem ÍA og Léttir drógust saman.

Keflavík - Skallagrímur
Valur - Haukar
Njarðvík - KR
Stjarnan - Þór Ak.
ÍA - Léttir
Þór Þ. - Grindavík
ÍR - Selfoss
Hamar - Tindastóll

Leikirnir verða 9.-10. desember. Nánari tímasetningar verða gefnar út eftir helgi.