Íslenska kvennalandsliðið spilar í kvöld, klukkan 18.30 að íslenskum tíma annan leik sinn á Promotion Cup í Andorra. Mótherjar íslenska liðsins í kvöld er heimastúlkur í liði Andorra en þær hafa tapað fyrstu tveimur leikjum sínum á mótinu. Þetta er í sjötta sinn sem íslenska liðið mætir gestgjöfunum á Promotion Cup og sigrarnir eru aðeins 2 í 5 leikjum.

Leikir íslenska kvennalandsliðsins gegn gestgjöfunum á Promotion Cup í gegnum tíðina:
1989 Lúxemborg 52-73 tap
1991 Gíbraltar 76-49 sigur
1993 Kýpur 51-57 tap
1996 Malta 92-50 sigur
1998 Austurríki 45-65 tap
2002 Andorra mættum ekki gestgjöfunum
2004 Andorra Í kvöld klukkan 18.30

Íslenska landslidid hefur tvisvar sinnum mætt liði Andorra. Á Promotion Cup á Möltu 1996 vann Ísland 61 stigs sigur, 100-39 en munurinn var adeins 16 stig þegar þjóðirnar mættust í æfingaleik fyrir Promotion Cup 2002. Ísland vann þann leik 76-60.

Þetta verdur sögulegur leikur fyrir einn leikmanna íslenska lidsins því Birna Valgardsdóttir verður í kvöld þriðja íslenska konan sem nær að spila 50 leiki fyrir íslenska kvennalandsliðið í körfubolta. Birna er jafnframt ein af fjórum leikmönnum sem hafa náð að spila meira en helming landsleikja Íslands frá upphafi en leikurinn í kvöld er númer 91.

Flestir landsleikir fyrir Íslands hönd:
Fyrir leikinn gegn Andorra í kvöld.
Anna María Sveinsdóttir 56
Guðbjörg Norðfjörð 53
Birna Valgarðsdóttir 49
Helga Þorvaldsdóttir 48
Kristín Blöndal 45